മാധ്യമങ്ങളും പൊതുസമൂഹവും
- പ്രൊ. നോം ചോംസ്കി
ലോകം കോവിഡ് 19 ഭീതിയിൽ ഇരിക്കുന്ന കാലമാണ്. ജീവിതത്തിലെ സ്വാഭാവീക പ്രവർത്തനങ്ങളെ മരവിപ്പിച്ചു കൊണ്ട് വന്ന ലോക്ക് ഡൗണിലൂടെയാണ് നമ്മൾ കടന്നു പോയിക്കൊണ്ടിരിക്കുന്നത്. ഈ കാലം മുഴുവൻ ഭയാശങ്കയിലും പരിഭ്രാന്തിയിലും മുഴുകിയിരിക്കുന്നത് അർത്ഥശൂന്യമായ കാര്യമാണ്.വീട്ടിൽ ഇരിക്കുന്ന ഒരു ദിവസത്തിലെ മുഴുവൻ സമയവും വിരസമാവാതെ ക്രിയാത്മകമായി ചെലവഴിക്കുന്നതിനുള്ള പ്രവർത്തനങ്ങൾ ലോകമെമ്പാടും നടന്നുകൊണ്ടിരിക്കുന്നുണ്ട്. ഈ പ്രവർത്തനങ്ങളോട് ഐക്യപ്പെട്ടുകൊണ്ട് ഈ കാലയളവിൽ കണ്ട മികച്ച സിനിമകൾ ഓൺലൈനിൽ കേട്ട നല്ല പ്രഭാഷണങ്ങൾ വായിച്ച പുസ്തകങ്ങൾ എന്നിവയെ പരിചയപ്പെടുത്തിക്കൊണ്ട് "കൊറോണാക്കാലത്തെ വായനകൾ" എന്ന പേരിൽ ഒരു ദിവസം ഒരു പോസ്റ്റ് എന്ന നിലയിൽ ഒരു പരിശ്രമം തുടങ്ങി വെക്കുന്നു.
ആദ്യമായി രാഷ്ട്രീയചിന്തകനും ഭാഷാശാസ്ത്രജ്ഞനുമായ പ്രൊ. നോം ചോംസ്കി യുടെ പുസ്തകത്തിൻ്റെ വായനാനുഭവം പങ്കുവെക്കുന്നു.
മാധ്യമങ്ങളും പൊതുസമൂഹവും
- നോം ചോംസ്കി
വിവർത്തനം :
സി. പി. അബൂബക്കർ
സി.ബി. സുധാകരൻ
മാധ്യമങ്ങളെക്കുറിച്ചുള്ള ധാരണകൾക്ക് ഇളക്കം സൃഷ്ടിച്ച പുസ്തകമാണിത്. ഈ പുസ്തകത്തിലൂടെ വീണ്ടും ഒരിക്കൽ കൂടി കടന്നു പോകാൻ ഈ ലോക്ക് ഡൗൺ കാലത്ത് എനിക്കായി.
സമകാലീന വൈജ്ഞാനിക ലോകത്തിലെ ഏറ്റവും ധിഷണാശാലിയായ ചിന്തകനായ നോം ചോംസ്കി തൻ്റെ പ്രധാന ചിന്താമണ്ഡലമായ മാധ്യമവിമർശനത്തെ പറ്റിയുള്ള മൗലിക കാഴ്ചപ്പാടുകൾ അവതരിപ്പിക്കുന്ന പുസ്തകമാണിത്.
മാധ്യമങ്ങൾ എങ്ങനെയാണ് ലോകക്രമത്തെയും ജനമനസ്സുകളെയും നിയന്ത്രിക്കുന്നതും വരുതിയിലാക്കുന്നതെന്നും സൂക്ഷ്മമായി വ്യക്തമാക്കുകയാണ് ഈ കൃതിയിൽ പ്രൊ. ചോംസ്കി
എഡ്വേർഡ്സ് ഹെർമാനുമായി ചേർന്ന് അദ്ദേഹം എഴുതിയ Manufacturing concent എന്ന പുസ്തകത്തിൽ അദ്ദേഹം അവതരിപ്പിക്കുന്ന മാധ്യമ ചിന്തകളുടെ ആശയാടിത്തറയിലാണ് ഈ പുസ്തകവും നിലകൊള്ളുന്നത്.
* മുഖ്യധാര എങ്ങിനെയാണ് മുഖ്യധാരയാവുന്നത്
* പ്രചരണവും പൊതുമനസ്സിനെ വരുതിയിലാക്കലും
* ജനാധിപത്യത്തിൻറെ എക്കാലത്തെയും ശത്രു സാമ്രാജ്യത്വം
എന്നീ ലേഖനങ്ങളും
* മാധ്യമ വിമർശനം എന്ന പേരിൽ ഷെലാഗ് റോജേഴ്സ് എന്ന മാധ്യമ പ്രവർത്തകൻ പ്രൊഫസറുമായി നടത്തിയ അഭിമുഖം,
ദേശരാഷ്ട്രങ്ങളും കോർപ്പറേഷനുകളും എന്ന അഭിമുഖം എന്നിവ ചേർന്നാണ് പുസ്തകം.
ഇന്ന് ഏറ്റവും വലിയ വ്യവസായമായി വളർന്ന് കൊണ്ടിരിക്കുന്ന പബ്ലിക് റിലേഷൻ വ്യവസായത്തിൻ്റെ തുടക്കവും പരിണാമവും സാധ്യതകളും ജനാധിപത്യവിരുദ്ധ നീക്കങ്ങളും പുസ്തകത്തിൽ സവിസ്തരം പ്രതിപാദിക്കുന്നു.
ഈ വ്യവസായത്തിൻ്റെ അടിസ്ഥാന ഗ്രന്ഥമായ എഡ്വേർഡ് ബർണേഴ്സ് ക്രീൽ എഴുതിയ പ്രചാരവേല (propaganda) പറ്റിയുള്ള മൗലികമായ വിമർശനങ്ങൾ അദ്ദേഹം മുന്നോട്ട് വെക്കുന്നു.
ഏറ്റവും തെളിച്ചമുള്ള ജനാധിപത്യ ബോധ്യങ്ങൾ ഉൾക്കൊള്ളുന്ന ഒരു ചിന്തകനെ ഈ പുസ്തകത്തിൽ പരിചയപ്പെടാനാവും.
മാധ്യമങ്ങൾ നിർണയിക്കുന്ന ലോകബോധ്യവും ചിന്താപരിസരവും ജനമനസ്സുകളെ രൂപപ്പെടുത്തുന്നതിലും നിയന്ത്രിക്കുന്നതും വലിയ ഭാഗധേയമാവുന്നു എന്ന് ഈ പുസ്തകം അടിവരയിടുന്നു.
മാധ്യമ സ്വാതന്ത്ര്യം എന്നത് ജനാധിപത്യ സമൂഹത്തിൻ്റെ ജീവശ്വാസമാണെന്ന ബോധ്യത്തെ കൂടുതൽ കൂടുതൽ തെളിച്ചു തന്നതും ആ ബോധ്യത്തിന് സൈദ്ധാന്തിക അടിത്തറ ഇട്ടതും ഈ പുസ്തകം എനിക്കുതന്ന വായനാനുഭവമാണ്.
- പ്രൊ. നോം ചോംസ്കി
ലോകം കോവിഡ് 19 ഭീതിയിൽ ഇരിക്കുന്ന കാലമാണ്. ജീവിതത്തിലെ സ്വാഭാവീക പ്രവർത്തനങ്ങളെ മരവിപ്പിച്ചു കൊണ്ട് വന്ന ലോക്ക് ഡൗണിലൂടെയാണ് നമ്മൾ കടന്നു പോയിക്കൊണ്ടിരിക്കുന്നത്. ഈ കാലം മുഴുവൻ ഭയാശങ്കയിലും പരിഭ്രാന്തിയിലും മുഴുകിയിരിക്കുന്നത് അർത്ഥശൂന്യമായ കാര്യമാണ്.വീട്ടിൽ ഇരിക്കുന്ന ഒരു ദിവസത്തിലെ മുഴുവൻ സമയവും വിരസമാവാതെ ക്രിയാത്മകമായി ചെലവഴിക്കുന്നതിനുള്ള പ്രവർത്തനങ്ങൾ ലോകമെമ്പാടും നടന്നുകൊണ്ടിരിക്കുന്നുണ്ട്. ഈ പ്രവർത്തനങ്ങളോട് ഐക്യപ്പെട്ടുകൊണ്ട് ഈ കാലയളവിൽ കണ്ട മികച്ച സിനിമകൾ ഓൺലൈനിൽ കേട്ട നല്ല പ്രഭാഷണങ്ങൾ വായിച്ച പുസ്തകങ്ങൾ എന്നിവയെ പരിചയപ്പെടുത്തിക്കൊണ്ട് "കൊറോണാക്കാലത്തെ വായനകൾ" എന്ന പേരിൽ ഒരു ദിവസം ഒരു പോസ്റ്റ് എന്ന നിലയിൽ ഒരു പരിശ്രമം തുടങ്ങി വെക്കുന്നു.
ആദ്യമായി രാഷ്ട്രീയചിന്തകനും ഭാഷാശാസ്ത്രജ്ഞനുമായ പ്രൊ. നോം ചോംസ്കി യുടെ പുസ്തകത്തിൻ്റെ വായനാനുഭവം പങ്കുവെക്കുന്നു.
മാധ്യമങ്ങളും പൊതുസമൂഹവും
- നോം ചോംസ്കി
വിവർത്തനം :
സി. പി. അബൂബക്കർ
സി.ബി. സുധാകരൻ
മാധ്യമങ്ങളെക്കുറിച്ചുള്ള ധാരണകൾക്ക് ഇളക്കം സൃഷ്ടിച്ച പുസ്തകമാണിത്. ഈ പുസ്തകത്തിലൂടെ വീണ്ടും ഒരിക്കൽ കൂടി കടന്നു പോകാൻ ഈ ലോക്ക് ഡൗൺ കാലത്ത് എനിക്കായി.
മാധ്യമങ്ങൾ എങ്ങനെയാണ് ലോകക്രമത്തെയും ജനമനസ്സുകളെയും നിയന്ത്രിക്കുന്നതും വരുതിയിലാക്കുന്നതെന്നും സൂക്ഷ്മമായി വ്യക്തമാക്കുകയാണ് ഈ കൃതിയിൽ പ്രൊ. ചോംസ്കി
എഡ്വേർഡ്സ് ഹെർമാനുമായി ചേർന്ന് അദ്ദേഹം എഴുതിയ Manufacturing concent എന്ന പുസ്തകത്തിൽ അദ്ദേഹം അവതരിപ്പിക്കുന്ന മാധ്യമ ചിന്തകളുടെ ആശയാടിത്തറയിലാണ് ഈ പുസ്തകവും നിലകൊള്ളുന്നത്.
* മുഖ്യധാര എങ്ങിനെയാണ് മുഖ്യധാരയാവുന്നത്
* പ്രചരണവും പൊതുമനസ്സിനെ വരുതിയിലാക്കലും
* ജനാധിപത്യത്തിൻറെ എക്കാലത്തെയും ശത്രു സാമ്രാജ്യത്വം
എന്നീ ലേഖനങ്ങളും
* മാധ്യമ വിമർശനം എന്ന പേരിൽ ഷെലാഗ് റോജേഴ്സ് എന്ന മാധ്യമ പ്രവർത്തകൻ പ്രൊഫസറുമായി നടത്തിയ അഭിമുഖം,
ദേശരാഷ്ട്രങ്ങളും കോർപ്പറേഷനുകളും എന്ന അഭിമുഖം എന്നിവ ചേർന്നാണ് പുസ്തകം.
ഇന്ന് ഏറ്റവും വലിയ വ്യവസായമായി വളർന്ന് കൊണ്ടിരിക്കുന്ന പബ്ലിക് റിലേഷൻ വ്യവസായത്തിൻ്റെ തുടക്കവും പരിണാമവും സാധ്യതകളും ജനാധിപത്യവിരുദ്ധ നീക്കങ്ങളും പുസ്തകത്തിൽ സവിസ്തരം പ്രതിപാദിക്കുന്നു.
ഈ വ്യവസായത്തിൻ്റെ അടിസ്ഥാന ഗ്രന്ഥമായ എഡ്വേർഡ് ബർണേഴ്സ് ക്രീൽ എഴുതിയ പ്രചാരവേല (propaganda) പറ്റിയുള്ള മൗലികമായ വിമർശനങ്ങൾ അദ്ദേഹം മുന്നോട്ട് വെക്കുന്നു.
ഏറ്റവും തെളിച്ചമുള്ള ജനാധിപത്യ ബോധ്യങ്ങൾ ഉൾക്കൊള്ളുന്ന ഒരു ചിന്തകനെ ഈ പുസ്തകത്തിൽ പരിചയപ്പെടാനാവും.
മാധ്യമങ്ങൾ നിർണയിക്കുന്ന ലോകബോധ്യവും ചിന്താപരിസരവും ജനമനസ്സുകളെ രൂപപ്പെടുത്തുന്നതിലും നിയന്ത്രിക്കുന്നതും വലിയ ഭാഗധേയമാവുന്നു എന്ന് ഈ പുസ്തകം അടിവരയിടുന്നു.
മാധ്യമ സ്വാതന്ത്ര്യം എന്നത് ജനാധിപത്യ സമൂഹത്തിൻ്റെ ജീവശ്വാസമാണെന്ന ബോധ്യത്തെ കൂടുതൽ കൂടുതൽ തെളിച്ചു തന്നതും ആ ബോധ്യത്തിന് സൈദ്ധാന്തിക അടിത്തറ ഇട്ടതും ഈ പുസ്തകം എനിക്കുതന്ന വായനാനുഭവമാണ്.
Image courtesy : Getty images
Comments
Post a Comment