Skip to main content

മരിച്ചവൻ പ്രതി (കവിത)



കഴുത്തിലെ മുറിവിൽ
കടൽക്കാറ്റിൻ്റെ നീറ്റലറിയാതെ
ചുണ്ടിൽ കടലുപ്പിൻ്റെ
രുചിയറിയാതെ...

തീരത്ത് കമന്നുറങ്ങി
ഭൂമിയുടെ ആഴവും
ആഴിയുടെ പരപ്പും
അളക്കുകയാണവൻ

അലൻ നിന്നെയോർത്ത്
ഉപ്പുപരലുകൾ കണ്ണീർ പൊഴിക്കുന്നു ചരൽക്കല്ലുകൾ വിതുമ്പുന്നു

അഴിക്കുള്ളിൽ അമ്മയുടെ നിശ്വാസം
എൻ്റെ കുട്ടി വെള്ളം കുടിച്ചു മരിച്ചല്ലോ...

"ഇനി മതി"
എന്ന് പറഞ്ഞ് കരഞ്ഞിട്ടും
കരയാനാവാതെ കരഞ്ഞിട്ടും
കുടിച്ച്...
കുടിച്ച്...

പഴങ്കഥക്കെട്ടിൻ്റെ പൊടിയലർജിയുള്ള
ലോകത്തിൽ...

നീ അഭയാർത്ഥി
നീ വരത്തൻ
നീ പ്രതി...

Comments

  1. ആനന്ദ് ശ്രീധരം10 January 2020 at 05:14

    ഒരു ഓർമപ്പെടുത്തൽ.. മനുഷ്യജന്മങ്ങളെ മനുഷ്യരാകൂ...

    നല്ല കവിത.. നന്നായിട്ടുണ്ട്

    ReplyDelete
  2. Soorya Mohan10 January 2020 at 05:20

    ഇനി മതി"
    എന്ന് പറഞ്ഞ് കരഞ്ഞിട്ടും
    കരയാനാവാതെ കരഞ്ഞിട്ടും
    കുടിച്ച്...
    കുടിച്ച്...

    വരികൾ വേട്ടയാടുന്നു...
    ചില കവിതകൾ നമ്മെ അസ്വസ്ഥരാക്കുക തന്നെ വേണം.... നല്ലെഴുത്ത് 👍

    ReplyDelete
    Replies
    1. Naveen kg10 January 2020 at 05:50

      ഇതുപോലെ എത്രയെത്ര കുട്ടികൾ എത്രയെത്ര മനുഷ്യർ

      Delete
  3. ആദി10 January 2020 at 05:53

    നല്ല കവിത, നന്നായി തന്നെ എഴുതി, .കുത്ത്, കോമ ഒക്കെ ഇടുമ്പോ ഒന്ന് ശ്രദ്ധിച്ചു ഇട്ടാൽ ഒന്ന് കൂടി എളുപ്പമുള്ള വായനക്ക് സഹായിക്കും.

    ReplyDelete
    Replies
    1. Naveen kg10 January 2020 at 06:19

      തീർച്ചയായും ശ്രദ്ധിക്കാം.

      Delete
  4. കൊച്ചു ഗോവിന്ദൻ12 January 2020 at 03:03

    വർത്തമാനകാല ഇന്ത്യയിൽ അലൻ കുർദിയുടെ ആത്മഹത്യക്ക്(!), കൊലപാതകത്തിന്(!), രക്തസാക്ഷിത്വത്തിന്(!) മുമ്പെന്നത്തേക്കാളും പ്രസക്തിയുണ്ട്. മനസിനെ കൊളുത്തി വലിക്കുന്ന, മൂർച്ചയുള്ള രചന. ആശംസകൾ!

    ReplyDelete
    Replies
    1. Naveen kg12 January 2020 at 06:27

      ഭരണകൂടത്തിൻ്റെ സാങ്കേതികതയും അധികാരപരിധി ദൃഡപ്പെടുത്തലും അധികാര ഇടപെടലും മാനവികതയെയും മനുഷ്യത്വത്തെയും വലിയ തോതിൽ അട്ടിമറിക്കുന്നുണ്ട്.

      കോളേജിലെ ഒരു മത്സരത്തിന് എഴുതിയതാണ്. എഴുതിയതിനു ശേഷം ആണ് ഇന്നത്തെ ഇന്ത്യൻ രാഷ്ട്രീയ സാഹചര്യത്തിൽ ഇത് കുറച്ചു പേർ വായിച്ചിരിക്കണം എന്ന് തോന്നിയത്. ഈ സാഹചര്യത്തിലാണ് ബ്ലോഗിലേക്ക് ഇട്ടത്.

      Delete
  5. pravaahiny19 January 2020 at 17:56

    വല്ലാത്ത നോമ്പ്

    ReplyDelete
  6. Unknown20 January 2020 at 03:00

    മനസ്സിനെ പിടിച്ചുലക്കുന്ന വരികൾ 🖤 അഭിനന്ദനങ്ങൾ നവീ🖤

    ReplyDelete
  7. ഉദയപ്രഭന്‍30 January 2020 at 22:23

    നവീനിന്റെ നവീന കവിത. കാലികപ്രസക്തം
    അതിേലേറെ മനസ്സിൽ ഒരു േനേ വ്പ ടർത്തുന്ന കവിത

    ReplyDelete
    Replies
    1. Naveen kg11 March 2020 at 09:08

      വായിച്ചതിനും പ്രതികരിച്ചതിനു നന്ദി

      Delete
  8. എം.എസ്. രാജ്‌ | M S Raj2 February 2020 at 00:41

    ഐലനെ കൊന്നതിൽ നാം ഓരോരുത്തരുടെയും പങ്ക് നമ്മൾ പരിശോധിക്കണം.
    കടലിൽ മരിച്ചവനല്ലാതെ ഇനിയും ചില രക്തസാക്ഷികൾ ഉണ്ട്. അവരിനിയും ഉണ്ടാവും. നമ്മുടെ മനസ്സിന്റെ കരിക്കറ വീണ ഇടുങ്ങിയ ഭിത്തികളിൽ അവരുടെ ചോരയും കണ്ണീരും ഉണങ്ങിപ്പിടിച്ച് ഇരിപ്പുണ്ടാവും.

    ReplyDelete
  9. Muralee Mukundan , ബിലാത്തിപട്ടണം 6 February 2020 at 13:38

    പഴങ്കഥക്കെട്ടിൻ്റെ പൊടിയലർജിയുള്ള
    ലോകത്തിൽ ഒരു അലൻ 

    നീ അഭയാർത്ഥി ,നീ വരത്തൻ നീ പ്രതി...
    നീയാണിതെല്ലാം അലൻ ...
    ഇത് ഏവർക്കുമുള്ള ഏറ്റവു വിലപ്പെട്ട ഓർമ്മപ്പെടുത്തലുകളാണ് 

    ReplyDelete
    Replies
    1. Naveen kg11 March 2020 at 09:06

      കമൻറുകൾ ക്ക് നന്ദി

      Delete
  10. Cv Thankappan16 April 2020 at 11:10

    ഉള്ളിലാഞ്ഞുത്തറയ്ക്കുന്ന മൂർച്ചയേറിയ വരികൾ!
    ആശംസകൾ

    ReplyDelete
  11. ആറങ്ങോട്ടുകര മുഹമ്മദ്‌30 April 2020 at 09:18

    നല്ല വരികൾ.. മനസ്സിൽ അസ്വസ്ഥതയുടെ കാടിന് തീയിടുന്ന പോലെ..

    ReplyDelete

Post a Comment

Popular posts from this blog

പേടകം നൽകുന്ന പ്രത്യാശ

ആലുവ യൂണിയൻ ക്രിസ്ത്യൻ കോളേജിലെ 2018 - 19 കലാലയ വർഷത്തെ കോളേജ് മാഗസിൻ ആയ "പേടിച്ച് പേടിച്ച് പേടകം വരെ" യുടെ വായനാനുഭവക്കുറിപ്പ്. 2018 ൽ ഉണ്ടായ പ്രളയത്തിൽ കേരളത്തിലെ ഏറ്റവും വലിയ ദുരിതാശ്വാസക്യാമ്പായി പ്രവർത്തിച്ച ആലുവ യുസി കോളേജിൽ നിന്ന് ആ വർഷം പുറത്തിറങ്ങിയ കലാലയ മാഗസിനാണിത്. അതുവരെയുള്ള ജീവിതത്തിൻറെ തുടർച്ചയിൽ അവിചാരിതമായി മഴ സൃഷ്ടിച്ച ഭയവും അതിജീവനത്തിനായുള്ള ശ്രമവും ലോകം കണ്ടതാണ്. പെരിയാറിൻ്റെ തീരങ്ങൾ വെള്ളത്തിൽ മുങ്ങിയപ്പോൾ പതിനായിരത്തോളം വരുന്ന ജനങ്ങൾ ആശ്രയത്തിനായി എത്തിയത് കുന്നിൻമുകളിൽ സ്ഥിതിചെയ്യുന്ന ഈ കോളേജിൽ ആണ്. ഭീതി തങ്ങളെ ഭരിച്ചു തുടങ്ങുമ്പോൾ ഇനിയെന്ത്? / ഇനിയങ്ങോട്ട്? എന്ന ആകുലത ജനത്തെ കടന്നാക്രമിക്കുന്ന അവസ്ഥയിൽ നിന്നും, അതിജീവനത്തിനായി ആശ്രയങ്ങൾ തേടുമ്പോൾ പ്രതിരോധത്തിലെ ജീവിതമുറകൾ മനുഷ്യൻ അറിയാതെ പരിശീലിക്കുന്നു. പ്രളയത്തിൻറെ ബിംബം വഴി ഇന്ന് രാജ്യം ഭരിച്ചു കൊണ്ടിരിക്കുന്ന ഭയം എന്ന വികാരത്തെ ഏറെ സമഗ്രമായി സ്പർശിക്കാൻ മാഗസിന് ആയിട്ടുണ്ട്. രാജ്യം ഇന്ന് നേരിട്ടുകൊണ്ടിരിക്കുന്ന സ്വാതന്ത്രാനന്തര ചരിത്രത്തിലെ ഏറ്റവും വലിയ വെല്ലുവിളികളിൽ ഒന്നായ മതര...
23 comments
Read more

രോഗമാണോ മരുന്നാണോ ആദ്യമുണ്ടായത്?

ശ്രീ സന്തോഷ് ജോർജ് കുളങ്ങര കേരളത്തിലെ ആരോഗ്യ മേഖലയെ കുറിച്ച് സംസാരിക്കുന്ന ഒരു വീഡിയോ കാണാനിടയായി. അദ്ദേഹത്തിൻറെ ഭാഗത്തുനിന്നും  പ്രതീക്ഷിക്കാത്തതും തീർത്തും യാഥാർത്ഥ്യത്തിനു നിരക്കാത്തതുമായ ചില പ്രസ്താവനകൾ അതിൽ കേട്ടു. "ഇനി കുറച്ചു കാലം കഴിയുമ്പോൾ കേരളത്തിൽ മൂന്നരക്കോടി രോഗികളുണ്ട് എന്നായിരിക്കും പറയേണ്ടിവരിക", "കൂടുതൽ ആശുപത്രികൾ ഉണ്ടായതും മരുന്നുകളുടെ ഉപയോഗവും ആണ്  രോഗാവസ്ഥയ്ക്ക് കാരണം" എന്നെല്ലാം അദ്ദേഹം പറയുന്നു. തീർത്തും ചരിത്രബോധമില്ലാത്ത പ്രസ്താവനകളാണത്. കേരളത്തിലെ ചരിത്രം പരിശോധിച്ചാൽ കേരളജനതയുടെ ഏറ്റവും കുറവ് രോഗം മൂലമുള്ള മരണവും ഏറ്റവും കൂടുതൽ ആയുർ ദൈർഘ്യവും ഉള്ള കാലമാണിത്.  1911- 21 കാലയളവിൽ തിരുവിതാംകൂറിൽ നടത്തിയ സെൻസസിൽ  മനുഷ്യരുടെ ആയുർദൈർഘ്യം 26 വയസ്സ് മാത്രമാണ് ഇന്നത് 76 ൽ എത്തിനിൽക്കുന്നു.  പകർച്ചവ്യാധികളും ശിശുമരണങ്ങളും സർവ്വസാധാരണമായിരുന്ന കാലത്തുനിന്നും ഇന്നത്തെ അവസ്ഥയിൽ എത്തിച്ചേർന്നത് ആരോഗ്യമേഖലയിലെ വലിയ പുരോഗതി കൊണ്ട് മാത്രമാണ്.  വസൂരിയും മലമ്പനിയും പോലുള്ള മഹാമാരികൾ ഒരു വലിയ പ്രദേശത്തെ ജനങ്ങളെ കൊന്നൊടുക്കിയിരുന്ന ഒരു കാലത്...
21 comments
Read more